Qurğunun əsas üstünlüyü zərbəyə və suya davamlılığı ilə yanaşı onun akkumulyatorunun yüksəldilmiş həcmə malik olmasıdır.
«ICTinfo.az» «life.ru» resursuna istinadən bildirir ki,bu Britaniya avtomobil markası «Jaguar Land Rover»-in «Bullitt Group» ilə birgə «Android» əsasında hazırlanmış «Explore» adlı suyadavamlı ilk mobil telefonudur.
Yeniliyin əsas xüsusiyyəti hələ ki, nə «iPhone»-da,nə də «Samsung»-da rast gəlinməyən sensoru əlcəklər və yaş barmaqlara reaksiya verən ekrana malik olmasıdır.Tutumlu akkumulyator iki günə qədər yenidən yükləməsiz fasiləsiz işləməyə icazə verir.Bundan başqa işin uzunluğunu əlavə «Adventure Pack» paketinin köməyi ilə ikiqat artırmaq olar.
Həmçinin «Explore» yaxşı zərbəyə dözümlülüyə malikdir. Hətta 1,8 metr hündürlükdən yerə düşmə,həmçinin ekstremal temperaturlar, yüksək rütubət ona qorxulu deyil. Qurğunun qiyməti 600 avro təşkil edir.
