Siz kompüter üçün nə qədər pul ödəməyə hazırsınız? Söhbət hansısa elmi hesablamalar üçün nəzərdə tutulan superkömpüterdən yox, adi ev üçün stolüstü kompüterdən gedir.İsveçrənin «Prime Computer» şirkəti 1 milyon dollar dəyərində «PrimeMini 3» mini-kompüterin xüsusi versiyasını buraxdı.
«Ictinfo.az» «4pda.ru»-ya istinadən bildirir ki,kompüterdə «Intel Core i5-6260U» prosessoru,inteqrasiya edilmiş «Intel Iris Graphics 540» qarfik sürətləndiricisi,8 QB DDR4 operativ yaddaş, 250 QB-lıq «Samsung EVO SSD» diski,»Wi-Fi» 802.11ac, «Bluetooth» ilə təchiz edilib və «Windows 10 Home» sistemi ilə işləyir.
«Prime Computer» şirkəti kompüterində istehsalçıların istehsal etdikləri kompüterlərdə tətbiq edilən ventilyatorlardan istifadəsiz soyuma texnologiyası tətbiq edib.Ancaq bu da yeniliyin o qədər yüksək qiymətə təklif edilməsinə səbəb deyil. Məsələ ondadır ki, istehsalçı «PrimeMini 3» kompüterinin korpusunda 18-karatlıq qızıldan xüsusi əl işləmələri edərək istehsal edib.
Şirkət hər belə kompüterin istehsalı üçün 500 000 dollarlıq qızıldan istifadə edir.Bu kompüterlər əsasən Ərəb Əmirliklərində olan müştərilər üçün hazırlanıb. «Prime Computer»-in baş direktorunun sözlərinə görə, onlar belə kompüterlərin kütləvi istehsalına başlamağa hazır deyillər.Əgər tələbat böyük olarsa onlar xüsusi olaraq belə kompüterləri çox buraxmaq niyyətindədir.
