Smartfon nə üçündür? Bildiyimiz kimi, o, oyun oynamaq, internet-serfinq etmək, bəzən isə, əlaqə yaratmaq üçündür. Oxucularlmıza android-smartfon vasitəsilə dostlarla, qohumlarla və iş yoldaşlarıyla ünsiyyətdə olmağın ən məhsuldar 7 üsulunu təqdim edirik.
Facebook və Facebook Messsenger
Facebook əlavəsinin yenilənməsi birmənalı olmamışdır. Bir tərəfdən, əsas ekran daha rahat oxunan olmuş (əsasən də kiçik ölçülü ekranlarda), digər tərəfdən isə, “xəbərlər lenti”nin idarə edilməsi pisləşmişdir. İndi xəbərlər lenti elə müəmmalı alqoritm əsasında formalaşır ki, onun təşkili prisipini araşdırmaq mümkün deyil, “sonuncular” düyməsi isə (xəbərlərin xronoloji qaydada göstərilməsi) əlavənin dərinliklərində gizlədilmişdir.
Xoşbəxtlikdən, sonuncu yenilənmədə Facebook Messengerin daxili görünüşünü dəyişməyiblər. Foto və video faylların göndərilməsinin yaxşılaşdırılması çox az aparılan dəyişikliklərdən biridir. Son zamanlar istifadəyə verilmiş internet-telefoniya xidməti çox məhsuldardır. Artıq Facebook dostlarıyla nəinki yazışmaq, hətta danışmaq belə olar. Qeyd edək ki, bu zaman danışığın keyfiyyəti adi telefon danışıqlarının keyfiyyətini nəzərə çarpacaq dərəcədə üstələyir. Bir sözlə, səsin ötürülməsinə görə Facebook ən yüksək qiymətə layiq görülür.
WhatsApp
Facebook mövzusunun davamı olaraq bir az da WhatsApp haqqında söhbət açaq. Xatırladaq ki, Facebook bu xidməti 19 milyard dollara əldə etmişdir.
Bu alış-verişdən sonra WhatsApp istifadəçilərinin sayı 400 milyona çatıb, 121 ölkədə isə WhatsApp iPhone və iPad istifadəçiləri arasında ən çox tanınmış əlavədir. Android-qurğularının sayı isə bi qədər az, yəni, 100 milyondur.
Bir sözlə, əgər siz WhatsApp əlavəsini yükləsəniz əmin olun ki, tezliklə həmsöhbət tapacaqsınız.
Bə əlavə smartfonun nömrəsinə bağlanır və yaddaşdan avtomatik olaraq əlaqələrə qoşulur. WhatsApp-lı əlaqlər avtomatik olaraq “seçilmişlər” siyahısında öz əksini tapır. Təbii ki, mediafaylların göndərilməsi, qrup şəklində yazışmalar, push-bildirişlər və offline-messajlar dəstəklənir. Birinci il WhatsApp xidməti pulsuzdur, sonra isə ildə 0,99 dollar qiymətləndirilir.
Teleqram
Xatırladaq ki, 1-2 il əvvəl WhatsApp əlavəsini şifrlənmənin olmamasına görə tənqid edirdilər. Növbəti əlavənin yaradıcıları bu məsələyə daha da ciddi yanaşıblar.
Telegram əlavəsi MTProto şifrlənmə texnologiyasına əsaslanır. Qeyd edək ki, Telegram hal-hazırda mövcud olan elektron yazışma sistemlərinin ən təhlükəsizidir. Adi şifrlənmədən başqa bu əlavədə end-to-end şifrlənmə əsasında işləyən superməxfi Secret Chats halı da var. Bundan əlavə, bu halda SnapChat məşhur sosial xidmətində olduğu kimi, messajların alınmasından sonra avtomatik silinməsi funksiyasını da işə salmaq olar. Messajların yaddaşda saxlanma zamanı 2 saniyədən 1 həftəyədək seçilə bilər. Bu əlavə öz şəxsi həyatını və peşakar sirrlərini gizlədənlər üçün tapıntıdır.
WhatsApp-da olduğu kimi, Teleqram əlavəsi telefon nömrəsinə bağlanır və telefonun yaddaşından Teleqram isifadə edən əlaqələri “seçilmişlərə” əlavə edir. Bu əlavə vasitəsilə başqa istifadəçilərə Teleqram əlavəsini yükləməyi təklif etmək olar. Əlavənin xarici görünüşü WhatsApp-la oxşardır.
myMail
myMail əlavəsi ilə birgə @my.com poçt xidməti də yüklənir. @my.com poçt xidməti aktiv etmə kodu sms-lə gələn telefon nömrəsinə təhkim olunur. Yəni, bu proqrama daxil olmaq üçün heç bir parol tələb olunmur. Təhlükəsizliyin təminatı üçün myMail-dən keçən bütün məktublar şifrlənir. myMail xidməti Yandex, Gmail, Rambler.ru, Mail.ru, Hotmail, iCloud, Outlook.com və Yahoo poçt xidmətləri ilə fəaliyyəti dəstəkləyir. Təəssüf ki, myMail əlavəsi məşhur Microsoft Exchange poçt xidmətini dəstəkləmir.
myMail-in xarici görünüşünə gəldikdə isə, o, bir balaca Gmail Android poçt xidməti əlavəsini xatırladır.
Mailbox
Sonda isə, çox orijinal poçt xidməti olan Mailbox haqqında.
Əvvəlcə Mailbox iPhone üçün nəzərdə tutulmuş və AppStore-də yer almışdı. Tez bir zamanda bu əlavə məşhurlaşmışdır. Bu əlavənin yüklənməsində məhddiyyətlər qoymuş yaradıcılar yaranmış vəziyyətdən məharətlə istifadə etmişlər.
Artıq bütün məhdudiyyətlər götürülüb, Mailbox poçt xidmətini isə Android əməliyyat sistemi də dəstəkləyir.
Poçt işini yenidən təşkil etmək cəhdi və poçtun təkəlli idarə edilməsi imkanı onun əsas üstünlükləridir.
Müxtəlif jestlər vasitəsilə məkubları arxivə salmaq, onları silmək, əsas ekrana onların yenidən gəlməsi zamanını seçmək bu əlavənin verdiyi imkanlardandır. Bundan əlavə, “Ev”, “İş”, “Dostlar” və s. adda qovluqların yaradılması və istənilən məktubun hər hansı bir qovluğa yerləşdirilməsi də mümkündür.
Yalnız Gmail və iCloud poçt xidmətlərini dəstəkləməsi onun mənfi xüsusiyyətlərindəndir və bu, Mailbox haqqında mənfi təəssuratın yaranmasına səbəb olur.
