Gələcəkdə süni intellektin praktik olaraq həyat fəaliyyətinin bütün sferalarına kömək edəcəyinə heç bir şübhə yoxdur. Amma indidən o bir çox funksiyaları artıq yerinə yetirir.
«Ictinfo.az» «hi-news.az» resursuna istinadən bildirir ki,İsrailin «Zebra Medical Vision» şirkəti kompüter tomoqrafiyası, maqnit rezonans tomoqrafiyası və digər şəkillərin nəticələrini analiz edən «Zebra AI1» aparatını təqdim edib.Bu qurğu cəmi 1 dollar ödəniş müqabilində çıxarılan dəqiq nəticələri həkimlərə təqdim edə bilər.
Süni intellek artıq 11 müxtəlif xəstəliyi avtomatik aşkar etməyə bacarıqlıdır və 2017-ci ilin sonuna onların sayı 17-yə çatacaq.Robotun aşkarlaya bildiyi patologiyalar arasında ağciyər xərçəngi, süd vəzi xərçəngi, ürək-damar xəstəlikləri, həmçinin baş-beyin travmaları aşkar edə bilər .
Qeyd edək ki, bu istiqamətdə «Zebra AI1» yeganə robot-həkim deyil. Belə ki,bir qədər əvvəl «IBM» «IBM Watson» rentgen qurğusu rentgen, kompüter tomoqrafiyası, maqnit rezonans tomoqrafiyası kimi müxtəlif şəkillərə əsasən xəstəliklərin mövcudluğu haqqında məlumat verməyə bacarıqlıdır.
