Ötən il bir çox yenilikçi parametrləri ilə sensasiyaya səbəb olan “iPhone X” hələ də xüsusi forumlarda və ekspert toplantılarında müzakirə edilir.Qurğunun fərqləndirən çoxsaylı üstünlükləri arasında yeni çatışmazlıqların ortalğa çıxması tədricən şikayətlərin başlanmasına səbəb olub. Sosial şəbəkələrdə aparılan müzakirələrdən görünür ki,bütün dünya istifadəçiləri “iPhone X”-ın əsas kamerasının zərifliyindən şikayətçidir. 
“Apple” istehsalçıları smartfonu təqdim etdikdə onun göy yaqutdan hazırlanmış kamerasının şüşəsini önə çəkirdilər. Bir tərəfdən bu kifayət qədər fərqləndirici görünsə də mineroloqlar dəqiq deyə bilərlər ki, göy yaqut bərk olduğu qədər də kövrək hesab edilir. “iPhone X”-ı reklam edənlər isə onu əllərindən yerə salmadan kamerasının şüşəsinin möhkəmlik testindən uğurla keçdiyini bildirirdilər. 
Həmçinin isti və rütubətli iqlimə malik ölkələrin sakinləri kameradakı qüsurlardan şikayət ediblər.Xidmət mərkəzlərində sözügedən şüşənin əvəzetməsi isə 550 dollara başa gəlir.”Apple” problemlə bağlı hələlik açıqlama verməyib.
