“Mixpanel” analitik şirkəti “Apple” şirkətinin “iOS” mobil əməliyyat sisteminin müxtəlif versiyalarının yayılmasına dair məlumatları yeniləyib.Məlum olub ki, 89 gündən sonra bazarda olan “Apple” smartfonlarının demək olar ki,70%-i ƏS-nin hazırkı versiyasına yenilənib.
“iOS 16″-nın stabil versiyasının buraxılışı sentyabrın 12-də baş tutub və dekabrın 9-da bu versiya artıq bütün iPhone-ların 67,95%-də quraşdırılıb.”iOS 15”-in payı 25,4% təşkil edir və cihazların təxminən 6,66%-i köhnə qurğularda işləyir.Qrafikdə görə bilərsiniz ki, yeni iOS 16 populyarlıq baxımından sələfindən yan keçmək üçün iki aydan bir qədər çox vaxt çəkdi.
Qeyd edək ki,2021-ci il sentyabrın 20-də buraxılmış “iOS 15″ həmin ilin dekabrın 18-nə qədər 65,5% quraşdırılıb. Beləliklə,”iOS 16”-nın paylanması əvvəlki versiya ilə müqayisədə bir qədər sürətlidir.
