«Apple» «iPhone 8» smartfonunu sentyabrın 12-də nümayiş etdirəcək. Fransanın «Mac4Ever» saytının yazdığına görə, yenilik Kaliforniyada yerli vaxtla səhər saat 9-da, Azərbaycan vaxtı ilə axşam saat 9-da təqdim ediləcək.
«Ictinfo.az» «hitech.vesti.ru»-ya istinadən bildirir ki,güman edilən elan tarixini sürpriz adlandırmaq olmaz: 2012-ci ildən indiyədək bütün yeni «iPhone»-ları məhz sentyabrda təqdim edilib. Məsələn,»iPhone 7″ və «7 Plus» ötən ilin sentyabırı 7-də,»iPhone 6s» və «6s Plus» isə 2015-ci sentyabrın 9-da təqdim edilib. Gözlənilir ki, «Apple» bu günlərdə payız mətbuat konfransına dəvətnamələri göndərsin.
Bir qayda olaraq, «Apple» nümayişdən sonra yeniliyə sifarişlərə başlayır və satış isə bir həftə sonra başlayır. Deyilən tarix dəqiqdirsə, onda qurğulara 15 sentyabrdan sifariş etmək mümkün olacaq və satış isə 22-dən başlayacaq.
Bu il «Apple»-ın üç smartfon təqdim ediləcəyi gözlənilir: təkmilləşdirilmiş «iPhone 7s» və «7s Plus», həmçinin premium-model «iPhone 8». Bütün yubiley qurğular bütün korpusun səthini tutan 5,8 düyüm ekran, simsiz yükləmə dəstəkli, həmçinin sifətin 3D sensorla tanınması, gözlərin skan edilməsi texnologiyası ilə təmin ediləcək.
