Apple iPhone 7-ni hələ bir bir neçə gündür təqdim etməsinə baxmayaraq artıq iPhone 8 haqda söz-söhbətləri başlayıb.Xeberler.az bildirir ki, xarici mediada yayımlanan məlumatlarda Apple-ın yeni telefonunda bizlərə təqdim edəcəyi 3 yeni və əhəmiyyətli yenilik açıqlanıb.
İlk olaraq başlıqdan da anlayacağınız kimi Apple iPhone 7S olaraq təqdim edilən telefonlardakı “S” iPhone 8 –də olmayacaq. Yəni, yalnız iPhone 8. Apple illərdir gözlənilən dəyişikliyi iPhone 7-də etdi. Belə ki, artıq fiziki bir ana ekran butonu yerinə taptic engine istifadə edən bir düyməyə keçərək Home düyməsindən imtina etdi.
Söyləntilərə görə, Apple bu səfər ana ekran düyməsini da tamamilə ekrana daxil edəcək. Qeyd etdiyimiz kimi, Apple yeni iPhone-larda qulaqlı girişini qaldırdı və iPhone 7 ilə birlikdə yeni qulaqcıqlar təqdim etdi. Amma bu qulaqcıqlar iPhone 7-dən ayrı satılır.
Məlumata görə, Apple iPhone 8-də qutudan birbaşa olaraq AirPods çıxardacaq. Eyni zamanda, kabelsiz şarj texnologiyasını da iPhone 8 ilə təqdim edəcək.
