“Apple” jurnalistlərə yeni cihazların təqdimatına dəvət göndərib. Tədbir sentyabrın 7-də Stiv Cobs Teatrında (Kupertino) baş tutacaq. Dəvətdə tədbirin ünvanı, vaxtı, onlayn yayıma keçid və gələcək “iPhone”-ların yeni funksiyasını göstərə biləcək sirli şəkil var.
Dəvətnamədə siz “Apple” loqosu və “Far out” yazılan bürc görə bilərsiniz. Bəlkə də bu, “iPhone”-da astrofotoqrafiya funksiyasının görünüşünə işarədir. Şübhə edilə bilməyən yeganə şey odur ki, sentyabrın 7-də “Apple” bir neçə yeni qurğu nümayiş etdirəcək.
Ehtimallara görə,Tim Kuk adi “iPhone”-dan əlavə “iPhone”-un üç əlavə versiyasını təqdim edəcək: “Max”, “Pro” və “Pro Max”. Digər bir yenilik “ağıllı” saatların üç versiyası olacaq: “Apple Watch”, “Watch SE”, ekstremal idman üçün modifikasiya və ya bir növ “Pro” versiyası.”M2″ çipinə əsaslanan yeni “AirPods Pro” və “iPad” qulaqlıqlarının da görünməsi gözlənilir. Amma söz-söhbətlərə inanmaq olarsa, sonuncunun buraxılışı bir ay sonra yeni “Mac”-lərin təqdimatı ilə birlikdə baş tuta bilər.
