Bu il “Apple” yeni “iPhone”ların qiymətini qaldırmayıb.Lakin məlum oldu ki, bu qərar yalnız smartfonların özlərinin satışına təsir edib. Şirkətin rəsmi saytında “iPhone 14” akkumulyatorunun dəyişdirilməsinin qiyməti dərc olunub: bu, keçən ilki modellərlə müqaisədə demək olar ki, 1,5 dəfə çoxdur.
Rəsmi xidmət mərkəzi ilə əlaqə saxladıqda, yeni “iPhone” sahibi batareyanın dəyişdirilməsi proseduru üçün əvvəlki nəsillərin modelləri üçün 69 dollara qarşı (iPhone SE üçün 49 dollar) 99 dollar ödəməli olacaq. İngiltərədəki istifadəçilər üçün bu cür təmirlər daha da baha başa gələcək – £ 105. Qiymət artımının səbəbi rəsmi olaraq açıqlanmayıb – bunun yeni məhsulların sökülməsinin çətinliyində olduğunu güman etmək qalır.
“AppleCare+” üzvləri üçün batareyanın dəyişdirilməsi pulsuzdur. Əsas “iPhone 14” üçün ən ucuz abunə ayda 7,99 dollar və ya 2 il üçün 199 dollardır. Bununla belə, nəzərə almaq lazımdır ki, uzadılmış zəmanət digər komponentlərin pulsuz və ya güzəştli təmiri hüququnu da əhatə edir.
