Bəzi “iPhone” və “iPad” qurğularında nasazlıqlar yaranıb.“ICTinfo.az” “Lenta” resursuna istinadən yazır ki,“iOS 13.5” əməliyyat sisteminə yeniləndikdən sonra “iPhone” smartfonlarında akkumulyatorların daha tez azalması baş verib.Hətta “iPhone 11 Pro Max” istifadəçiləri də bu durumdan şikayət ediblər.Bəziləri isə smartfonların qızmasını bildirib.Bir sıra hallarda “iOS 13.5” sistem yeniləməsi smartfonları sıradan çıxararaq qurğuları fasiləsiz yenidən başlatmaya məcbur edib. Oxşar problemlərlə “iPad” və “iPad Pro” planşetlərini aktual “iPadOS 13.4.1” sisteminə yeniləyən istifadəçilər də üzləşiblər. 
Jurnalistlər bildirib ki, smartfon və planşetlərdə çoxlu yenidən başlatmalar aparılır. Onların sözlərinə görə, problemi yalnız sistemi yenidən quraşdırmaqla aradan qaldırmaq mümkündür.
Qurğularda cüzi nasazlıqlar kimi yükləmə və “App Store” proqramlarının yeniləməsi ilə bağlı problemlər barədə xəbərdarlıq edən səhvlər, eləcə də “MP4” formatlı videofaylların səhv göstərilməsi qeyd olunur. “Apple” istifadəçilərin şikayətlərinə hələ ki reaksiya verməyib.
