Bu gün Azərbaycan Milli Məclisin iclasında İnternetin uşaq sağlamlığına və psixologiyasına ziyanlı təsirindən qorunması ilə əlaqədar milət vəkili Azər Badamov çıxış edib.
Millət vəkili bildirib ki, müasir dövrdə İnformasiya Kommunikasiya Texnologiyalarından istifadə olunması hamı üçün əlçatan olub: «İnternet insan həyatının ayrılmaz hissəsinə çevrilib və internetsiz həyat təsəvvür etmək çətindir. Ölkəmizdə tam internet azadlığı təmin olunub. Amma, bu da özündə müəyyən problemlər gətirir. Yəni, bu gün gənc nəslin psixoloji tərbiyə olunmasında internet böyük rol oynayır. Uşaqların əksər hissəsi vaxtının çox hissəsini internetə bağlayırlar. İnternetdən gələn informasiya və ya görüntülər uşağa psixioloji təsir göstərir və onu real həyatdan təcrid edərək virtual məkana üz tutmasına gətirir.
Uşaqlarda özünə qapanma, ünsüyyətdən uzaq olmağa meylliyi çoxalır. Bu da onlara böyüyəndə ictimai həyata inteqrasiya olunmasına çətinlik yaradır. Uşqların sağlamlığına və inkişafına ziyan vuran informasiyalardan qorunması üçün qeyd olunan qanun layihəsini dəstəkləməklə yanaşı iki təklifimi bildirmək istəyirəm.
Birincisi, bunun qabağını almaq üçün ilk növbə valideynlər bu işə daha diqqətlə yanaşmalıdır. Hər bir valideyn uşağın normal, psixoloji sağlam tərbiyə olunmasında yaxından iştirak etməyə borcludur. Buna görə da uşağin saatlarla komputer arxasında və ya telefonla internetdə olmasına icazə verilməməlidir və valideynlərə bununla bağlı nəzarətini gücləndirməyi, internetdən müəyyən məhdudiyyətlərlə istifadə edilməsini təmin etməyini təklif edirəm.
İkincisi isə qanunlarla bu vəziyyəti tənzimlənməlidir. Bu gün bizə təqdim olunmuş Telekommunikasiya haqqında qanununda ediləcək dəyişiklik də uşaqların sağlamlığına, inkişafına ziyan vuran informasiyadan qorunması üçün internet informasiya ehtiyatlarından təhlükəsiz istifadə etmək imkanklarını təmin edəcək və internetden istifadə etməklə bağlı başqa qanunlarda da dəyişikliklərin həyata keçirilməsini vacib sayıram.
Düşünürəm ki, ümumiyyətlə internet şəbəkəsinə buraxılan informasiyalar süzgəcdən keçirilməlidir. Mintelatetimizə uyğun gəlməyən çarx halında buraxılan reklam informasiyaların qabağı alınmalıdır. İntrnet məkanında olduğu zaman özümüzdən asıllı olmayaraq elə reklam çarxları səhifədə peyda olunur ki, bunu görəndə nəinki uşaq psixologiyası, hətta böyüklərin psixologiyasına da müəyyən təsir göstərir».
