Azərbaycanda ən populyar 3 saytdan biri olan İnstaqramda azərbaycanca çox maraqlı yeni bir səhifə yaradılıb.
Səhifədə hamının bildiyi adi fotoşəkillərin əvəzinə həmin şəkilləri ifadə edəcək mətnlər yazılıb.
@xarabkamera adlı səhifədə mətndən başqa heç nə yoxdur:
Azərbaycan dilində olan bu səhifədə məqsəd təkcə insanların fantaziya qurması, şəkli öz xəyallarında canlandırması deyil. Layihə yaradıcılarının sözlərinəə görə, bu səhifə ilə həm də cəmiyyətə sosial mesaj vermək istəyirlər: İnstaqramda qoyulan qlamur, bərli-bəzəkli parlaq şəkillər, diqqəti cəlb etmək üçün foto-hiylələr, hər xırda bir şeyi instaqrama qoymaq, mənasız şəkillər və spam — bütün bunlardan hamının bezdiyi çoxlarına məlumdur.
Bu diqqət maniyası və özünügöstəriş, yalandan özünü daha üstün səviyyədə göstərməyə cavab olaraq bu səhifə İnstaqramda qoyulan postları məsxərəyə qoyur, yumorla onu lağa qoyur.
