Meta CEO Mark Zuckerberg bildirib ki, Instagram aylıq üç milyard aktiv istifadəçiyə çatdı. Bu Facebook və WhatsApp-dan saonra ən böyük sosial şəbəkə deməkdir.
Bu mərhələlər 2022-ci ilin oktyabrında iki milyard istifadəçini ötdükdən iki ildən az bir müddət sonra baş verir. CNBC-nin məlumatına görə, Zukerberq Instagram-ın böyüməsini şərh edərək, onun yaratdığı icmanı “inanılmaz” adlandırıb.
2024-cü ilin aprelində Meta artıq Facebook və onun digər tətbiqləri üçün gündəlik və aylıq aktiv istifadəçilər haqqında rüblük məlumatları ayrıca dərc etməyəcəyini açıqladı. Bunun əvəzinə şirkət bütün tətbiqlər üzrə gündəlik aktiv istifadəçilərin sayını bildirməyə başladı. İyulda bu rəqəm analitiklərin 3,45 milyard proqnozunu üstələyərək 3,48 milyard təşkil edib.
Bundan əvvəl, bu ilin yanvarında Zukerberq Facebook-in üç milyarddan çox aylıq aktiv istifadəçisi olduğunu bildirmişdi və həmin ilin aprelində WhatsApp-ın da oxşar həddi keçdiyini qeyd etmişdi.
