Instagram öz platformasına yüklənən fotolara mətnlərin əlavə edilməsi prosesini sadələşdirən yeni funksiyasını təqdim edib. Belə ki, bundan sonra istifadəçilər fotoların yüklənməsi zamanı təqdim edilən redaktə panelində onlara mətnləri əlavə edə biləcəklər. Nəticədə bunun üçün kənar tətbiqlərdən istifadəyə ehtiyac qalmayacaq.
Instagram bu istiqamətdə geniş seçimdə şriftlər təklif edir. Bundan əlavə olaraq Instagram-da bir fotonun üzərinə digər fotonun stiker şəklində əlavə edilməsi özəlliyi də istifadəyə verilib. Bunun üçün əlavə edilməsi planlaşdırılan fotonun ölçüsü və formasını seçmək mümkündür.
