İnsanlar öz günahlarını iPhone vasitəsilə yuya biləcəklər

Belə ki, Katolik kilsə tövbə etmək üçün iOS platformasında tətbiqini təqdim edib. Bu tətbiq vasitəsilə günah işləmiş inanclı insanlar tez bir zamanda tövbə edərək günahlarını yuya biləcəklər. Tətbiqi Musemantik studiyası yaradıb. “Technote.az” bildirir ki,tətbiqin yaradılmasında əsas məqsəd interaktiv xəritələrin köməkliyi ilə yaxında yerləşən kilsələri tapıb insanların ora getmələrini və tövbə saylarını artırmaqdır. Tətbiq hal-hazırda Şotlandiyada start götürüb və Sindr adını alıb. “Müasir mobil telefon nəslinin ona ilham mənbəyi olacaq dost və köməkçi kimi ağıllı, şəxsi tətbiq lazımdır. Bu, tətbiqin əsas ideyasıdır” – deyə Musemantik studiyasının təsisçisi bildirib. Developerlər qeyd ediblər ki, hal-hazırda veb saytlar öz məşhurluğunu itirirlər. Tətbiqlər isə insanların gündəlik həyatlarında daha çox yeri tuturlar.