Sosial media influenseri ilə işləmək brendinizi yeni kütləyə tanıtdıracaq effektiv üsullardan biridir. Əməkdaşlıq etmək üçün doğru influenseri seçmək olduqca mühüm əhəmiyyət kəsb edir. Çünki influenserlər izləyicilərinizi artırır, satış və əməkdaşlıqlarınızın sayını çoxaldır – bir sözlə, daha sürətli nəticə əldə etməyinizə səbəb olur.
Seçim edərkən sadəcə izləyici sayına əsaslanmaq sizə gözlədiyiniz nəticəni verməyə bilər. İnfluenser seçimi zamanı sizə kömək ola biləcək əsas 5 məqamı sizin diqqətinizə çatdırırıq:
1. İzləyici kütləsi
Əməkdaşlıq yaradarkən, yaxşı olar ki, yaratdığı kontent sizin brendinizin məhsulu ilə üst-üstə düşən və ya izləyiciləri sizin hədəf kütlənizdə yer alan influenserlərə müraciət edəsiniz. Çünki belə sosial media influenseri ilə işləmək sizə təklif etdiyiniz xidmət və məhsullarla maraqlanan kütləyə daha rahat çatmağa imkan yaradacaq.
2. Kütlə həcmi
İnfluenser seçimi zamanı izləyici sayı əsas faktor olmamalıdır. Paylaşımların və ümumi səhifənin orta statistik göstəriciləri yaxşı olan bir namizədlə iş birliyi etmək sizdə brendinizin nə qədər izləyiciyə tanıdılacağı barədə müəyyən fikir formalaşdıra bilər. Bu da öz növbəsində sonrakı addımlarda brendiniz əməkdaşlıq imkanlarını və satış saylarını artırmağa kömək edəcək.
İzləyici sayı azdır deyə hansısa namizədi siyahıdan çıxarmaq düzgün seçim olmaya bilər. Çünki izləyici sayı nisbətən az, lakin artmaqda olan influenserlərin xitab etdiyi kütlə sizin təklif etdiyiniz məhsul və ya xidmətlərə daha çox maraq göstərə bilərlər.
Qeyd edək ki, influencer.az platforması həm izləyici, həm də statistika göstəriciləri aşağı olan influenserlərə rəqəmsal marketinq dəstəyi göstərərək onları brendlərə təqdim edə bilir.
3. İzləyici iştirak dərəcəsi
İzləyicilərə təsir etmədiyi müddətcə influenserin minlərlə izləyiciyə sahib olması xüsusi önəm kəsb etmir.
Əgər siz birlikdə işləmək üçün potensial influenser tapmısınızsa, onun paylaşımlarında şərh bölməsinə diqqət yetirin. Hər paylaşımda real izləyici rəylərinə rast gəlmək yaxşı göstəricidir. Yox, şərhlərin azlığı və ya saxta (avtomatlaşdırılmış) şərhlərlə qarşılaşırsınızsa, yenidən seçim etmək lazım gələ bilər.
Həmçinin, ifluenserin şərhləri və sualları cavablandırıb-cavablandırmaması da əhəmiyyət kəsb edir. Bu onu göstərir ki, influenser izləyicilərinin fikirlərinə diqqət yetirir və onlarla əlaqəyə keçir.
4. Əməkdaşlıq postları
Nəzərə alınmalı olan başqa bir məqam – influenserin əməkdaşlıq paylaşımlarıdır. Əgər onun sosial media səhifəsində belə paylaşımlar çoxluq təşkil edirsə, bu o deməkdir ki, sizin əməkdaşlığınız nəzdində yaradılan kontent də digərləri kimi ötəri əhəmiyyət kəsb edəcək.
Əvəzində orqanik kontentə daha çox fokuslanan və əməkdaşlıq etdiyi brendləri xüsusi diqqətlə seçən biri ilə işləmək daha yaxşıdır.
5. Güvənilirlik
İnfluenserlərlə əməkdaşlıq edərkən onlara tamamilə güvənə biləcəyinizə əmin olmalısınız. Hər bir influenser maillərə vaxtında cavab verməli, zamanında paylaşım etməli və istənilən digər mövzuda da məsuliyyətli olmalıdır.
Lakin hər kəsin influenserlə daim əlaqədə olmaq üçün vaxtı və resursu yoxdur. Belə olan halda, influencer.az siz və influenseriniz arasında körpü rolunu oynayaraq, bütün proseslərin vaxtında icra olunmasına köməklik göstərir.
Artıq influenser seçimi edərkən diqqətə almalı olduğunuz əsas məqamlarla tanış olduğunuza görə prosesə başlaya bilərsiniz.
Növbəti əməkdaşlığınız üçün influenser axtarışındasınız? Elə indi qeydiyyatdan keçin! Sadəcə klikləyin!
