Bu yaxınlarda milyarder İlon Maskın sosial şəbəkədə böyük pay aldığı və bunun ardınca onun şirkətin direktorlar şurasına daxil olacağı açıqlanmışdı.Güman edilirdi ki, vəzifə növbəti iki il ərzində ona tapşırılacaq,lakin Mask gözlənilmədən fikrini dəyişdi.
“Twitter”-in baş direktoru Paraq Aqraval öz bloqunda iş adamının təyinatdan imtina etməsindən danışıb. Bu qərarın nəyə əsaslandığı açıqlanmır. Eyni zamanda, xidmət rəhbərinin sözlərinə görə, şirkət ən böyük səhmdarının təkliflərini dinləməyə davam edəcək və onunla fəal qarşılıqlı əlaqədə olacaq.
Bundan əvvəl İlon Mask sosial şəbəkənin işində yeniliklərlə bağlı bir neçə təkliflə çıxış edib. Onların arasında ödənişli “Twitter Blue” abunəsinin bütün istifadəçilərinə hesabın yoxlanılması nişanının avtomatik verilməsi və şirkətin baş ofisinin evsizlər sığınacağına çevrilməsi də var. Bundan əlavə, iş adamı ödənişli abunəçilərə reklam göstərməyi dayandırmağı təklif edib.
