Azərbaycan Texniki Universitetinin (AZTU) “SmartTech” İnnovatorlar Mərkəzinin direktoru, universitetin baş müəllimi Kərim Tahiroğlunun “Proqramçı olmaq istəyirəm” adlı kitabı işıq üzü görmüşdür.
Kitab proqramçı peşəsinə yiyələnmək istəyənlərə əhatəli yol xəritəsi təqdim edir. Nəşrdə oxucuları müvafiq sahə üzrə düşündürən suallar ətraflı cavablandırılıb, proqramlaşdırma ixtisasının mahiyyəti, başlıca istiqamətləri geniş şərh edilib.
Kitab kompüter mühəndisliyi və kompüter elmləri ixtisaslarında təhsil alan tələbələr, bu sahələr üzrə dərs deyən müəllimlər, gənc proqramçılar və ümumilikdə proqramlaşdırma sahəsinə maraq göstərən hər kəs üçün nəzərdə tutulub.
Qeyd edək ki, kitabın öz sözünün müəllifi AZTU-nun rektoru Vilayət Vəliyevdir
