Nəqliyyat, Rabitə və Yüksək Texnologiyalar Nazirliyinin təşəbbüsü ilə “Bakı Telefon Rabitəsi” MMC (“Baktelecom”) tərəfindən mart ayından etibarən həyata keçirilən “İctimai İnternet” layihəsi üzrə “Pulsuz WiFi” xidmətinin əhatə dairəsi genişlənməkdə davam edir. Bu gündən xidmət “Hüseyn Cavid” bağında da tətbiq edilib.
Məlumat üçün bildirək ki, indiyədək “İctimai İnternet” şəbəkəsi Dövlət Bayrağı Meydanı da daxil olmaqla, Dənizkənarı Milli Park, “İçərişəhər” Dövlət Tarix-Memarlıq Qoruğu ərazisi, Heydər Əliyev Mərkəzinin parkı, Sahil, Sabir, Xaqani, Axundov bağlarında, Qış və Zabitlər parkında aktiv edilib.
Yaxın zamanda «Dədə Qorqud» parkı da “Pulsuz WiFi” xidmətinin əhatə zonasına daxil ediləcək.
