“Huawei”dən möhtəşəm smartfon

Çinin “Huawei” şirkəti  “Mate 9” və “Mate 9 Porsche Design” flaqman smartfonları seriyasından olan yeni “Mate 9 Pro” smartfonunu təqdim edib.Əvvəlki modeldə olduğu kimi, yeni model də əyilmiş displeyə malikdir. Lakin cihaz “Porsche” nişanəsinə malik deyil və qiyməti nisbətən ucuzdur.

Yeni smartfonun kiçik versiyası 4 Gb operativ yaddaşa və 64 Gb daxili yaddaşa malikdir. Qiyməti 686 dollardır. 6 Gb operativ, 128 Gb daxili yaddaşa malik böyük versiyanın qiyməti isə 775 dollardır. Smartfon 5,5 ölçülü AMOLED-displey, “Quad HD”, Home düyməsində barmaq izi skaneri və 12-20 meqapikselə malik ikili kamera ilə təchiz olunub.

Cihaz “Kirin 960” dördnüvəli çip bazasında yaradılıb, 4000 mAs həcmli akkumulyatorla, “Android 7.0 Nougat” əməliyyat sistemi ilə çalışır.