HUAWEI WATCH FIT 3-ü intizam formalaşdırmaq üçün aksesuar adlandırmaq olar. Smart saat faydalı vərdişlər yaratmağa kömək edəcək: pəhrizə riayət etmək, idmana başlamaq, sağlamlığınıza nəzarət etmək. Bu faydalı cihaz cəlbedici korpus və böyük ekranla təqdim olunur.
Dizayn: gündəlik dəb
Smart saat mükəmməl görünür, onu həm ofisdə, həm də yay gəzintilərində biləyinizə taxa bilərsiniz. Cihaz hər dəbə uyğun geyimlə ayaqlaşa bilən universal dizayna malikdir.
Cəmi 9,9 mm qalınlığında və 43,2 x 36,3 mm ölçülərində olan bu model həm kişilər, həm də qadınlar üçün uyğundur. Üstəlik, satışda 6 korpus və kəmər rəngi var, dəbinizə və əhvalınıza uyğun olanı seçə bilərsiniz: qara, yaşıl, ağ, çəhrayı, boz, ağ (dəri kəmərlə).
Korpus çərçivəsi alüminiumdan hazırlanıb, özü isə toza və suya qarşı IP68 standartına uyğundur. Qolunuza smart saatı taxıb üzmək mümkündür. Cihaz üçün üç qayış növü mövcuddur: flüorelastomer, neylon, dəri.
Ekran və Displey
Yeni nəsil HUAWEI WATCH FIT 3 smart saatı geniş 1,82 düymlük AMOLED ekranla təchiz edilib ki, bu da 77% faydalı sahəni əhatə edir və məlumatların təsviri üçün daha geniş yer ayırır.
HUAWEI WATCH FIT 3 smart saatının displeyi keyfiyyət baxımından rəqiblərindən geri qalmır, qiymət baxımından isə daha da ucuzdur. Bu cihazda enerji tutumluluğu və yüksək kontrastlıq səviyyəsi kifayət qədər yüksəkdir. 1500 nit maksimal parlaqlığı çöl şəraitində məlumatların aydın oxunmasını təmin edir. 1,82 düymlük geniş AMOLED ekranda isə bildirişləri və məşqlər zamanı göstəriciləri oxumaq rahatdır.
Saatda mövcud olan funksiyalar
“Formada qal” funksiyası ilə sağlam həyat
HUAWEI WATCH FIT 3-ün unikal funksiyalarından biri “Formada qal” funksiyasıdır. Kalori hədəfini təyin edib, çəki və yaşınızı göstərirsiniz, saat sizin fəallığınızı və sərf olunan kaloriləri nəzərə alaraq hədəfə çatmağınıza yol göstərir.
Smart saatın məlumatlar bazasında çox sayda resept var. Qarabaşaq, kotlet, meyvə və tərəvəz, dənli bitkilər və içkiləri qida rasionunuza uyğun olaraq asanlıqla seçə bilərsiniz. Hətta 50-dən çox ölkənin məşhur yeməkləri haqqında məlumatlar və müxtəlif pəhriz reseptləri də mövcuddur.
Biləyinizdə peşəkar məşqlər
Huawei smart-saatın funksiyalarına daxil olan 100-dən çox məşq növünə bir neçə yeni rejim əlavə edib: futbol, basketbol, kiberidman və marşrutun izlənməsi ilə qaçış.
Huawei şirkəti Çində mini-stadionu olan böyük bir kompleks inşa edib. Burada perimetr boyunca qaçış yolu, mərkəzdə basketbol, futbol, badminton, tennis üçün meydançalar, miniqolf sahəsi, məşq avadanlığı və velosipedlər, skeytbordlar və s. var. Stadiona idmançılar dəvət olunur, onlardan göstəricilər toplanır və bu yolla TruSport texnologiyasını geyilə bilən cihazlarda təkmilləşdirirlər.
Beş peyk sistemi əsasında dəqiq naviqasiya
HUAWEI WATCH FIT seriyasının əsas xüsusiyyəti naviqasiya sistemlərini dəstəkləməsidir. WATCH FIT 3 beş sistemi dəstəkləyir: GPS, GLONASS, BeiDou, Galileo və QZSS. Smartfonu ozünüzlə gəzdirmədən rahatlıqla qaçışa çıxa bilərsiniz. Smart saat marşrutu dəqiq müəyyən edir, sonra isə onu HUAWEI Health tətbiqinə köçürür.
Bəs musiqi necə dinlənilir? MP3 fayllarını saata yükləyirik və qulaqlıqları Bluetooth vasitəsi ilə qoşuruq. Cihaz tam müstəqil işləyə bilir (smartfon istifadə etmədən).
Yenilənmiş yuxu izlənməsi funksiyası
Başqa bir texnologiya — Huawei TruSleep 4.0 — yuxunun izlənməsinə cavabdehdir. Yalnız gecə yox, günorta belə yuxuya getməyə qərar versəniz, saat sizi 30 dəqiqədən sonra oyadacaq ki, dərin yuxuya getməyəsiniz və gün ərzində gümrah qalasınız.
Nəbz, SpO2 izlənməsi və aritmiyanı aşkarlama
Bütün məlumatların toplanmasına optik sensor cavabdehdir. Məşqlərin, yuxunun, sağlamlığın keyfiyyətini ölçmək üçün əsas göstəricilər nəbz və SpO2-dir. HUAWEI WATCH FIT 3-də TruSeen texnologiyası 5.5 versiyasına qədər təkmilləşdirilib, beləliklə izləmənin dəqiqliyi daha yüksək olub. Qeyd edək ki, cihaz 24/7 rejimində qanda oksigen miqdarını izləyə bilir.
Zənglər və mesajlara sürətli cavab
Demək olar ki, bütün smart saatlar zəngləri qəbul və ya rədd etməyi bacarır. Ancaq birbaşa smart saat vasitəsilə zəng etmək çox nadir hallarda mümkündür. HUAWEI WATCH FIT 3-də daxili dinamiklər və mikrofonlar mövcud olduğundan smartfon başqa otaqda olduqda və ya əlləriniz məşğul olduqda belə rabitə qura bilərsiniz. Həmçinin mesajlara və SMS-lərə tez cavab vermək mümkündür.
Batareya: Uzun müddət işləmək qabiliyyəti
İstifadəçinin rahatlığını düşünən HUAWEI WATCH FIT 3 daha intensiv istifadə zamanı 7 günə qədər müstəqil işləməni təmin edir. 10 dəqiqəlik şarj isə saatın tam bir gün çalışması üçün kifayətdir.
Nəticə
HUAWEI WATCH FIT 3 funksional olaraq əvvəlki modelərə nisbətən daha geniş imkanlar açır: yeni interfeys kvadrat formata mükəmməl uyğunlaşdırılıb, mini-proqlamlar məşqlərə görə tənzimlənib. İdman yönümlülüyü WATCH FIT seriyasının əsas xüsusiyyəti olaraq qalır. Rəqəmsal məşqçi ilə məşq edə, təlimlər keçə və ya sadəcə fəaliyyətinizi izləyə bilərsiniz. Bu smart saatda hər şey gözəl və aydın görünür və ən əsası, bütün göstəricilər dəqiq ölçülür – yuxudan qaçışa qədər. Bütün bu xüsusiyyətlərə görə HUAWEI WATCH FIT 3 yüksək dəyəndirilir. Üstəlik, qiyməti də münasibdir.
