Burada söhbət “Şüşələrdə cızıqların ləğv edilməsi üçün metod və avadanlıq” adlı patentdən gedir.“ICTinfo.az” “3DNews.ru” resursuna istinadən yazır ki, patent 2020-ci il dekabrın 22-də təsdiqlənib.Çinin Milli Əqli Mülkiyyət İdarəsinin müvafiq sənədində smartfonun ön və ya arxa tərəfində yerləşən şüşənin cızılmasının təmiri üsulu təsvir edilib. Şüşədə cızıqların aşkarlanması üçün xüsusi qurğudan istifadə olunur. Ön səthdəki cızıqlar əvvəlcə spirtli məhlul, arxa tərəfdəkilər isə ultrasəsli təmizləyici ilə təmizlənir.
Təmizləmə prosesindən sonra akril, epoksi qatran və müxtəlif qatqılardan ibarət xüsusi qarışıq hazırlanır. Şəffaf plyonka vasitəsilə xüsusi qarışıq zədələnmiş səthin üzərinə sürtülür. Onun bərkiməsi üçün dalğa uzunluğu 320-420 nanometr təşkil edən ultrabənövşəyi şüalanmadan istifadə olunur. Bərkimiş təmir məhlulu cızıqların yerini doldurduqdan sonra şəffaf plyonkanı şüşə üzərindən çıxarmaq lazımdır.
