Hazırda “5G” rabitə texnologiyası aktiv tətbiq edildiyi bir vaxtda “Huawei”nin əsas icraçı direktoru Ren Jenqfey onların artıq “6G” sahəsində tədqiqatlar apardıqlarını açıqlayıb.
“ICTinfo.az” “itc.ua”-ya istinadən bildirir ki, “Huawei” şirkəti eyni vaxtda “5G” və “6G” rabitə standartları üzərində işləyir. Bununla belə, “6G” texnologiyasının inkişafı hələ ki erkən mərhələdədir və bu standartın kommersiya yönümlü olmasına uzun müddət lazımdır.
Hələ ki “5G” növbəti nəsil telekommunikasiya texnologiyası kimi nəzərdən keçirilir. Bu standart tərəfindən təklif edilən məlumatların ötürülməsi sürəti sürücüsüz avtomobillər və uzaq məsafədə olan qurğuların idarəetməsində mühüm rol oynayacaq. Hazırda yalnız bir neçə ölkədə (məsələn, Böyük Britaniya və Cənubi Koreya) “5G” rabitəsinin tətbiqinə başlanılıb.
