Çinin “Huawei” şirkəti Londonda özünün “P9” flaqmanından olan 2 yeni modeli təqdim edib.“lenta.ru”nun verdiyi məlumata görə, 5,2 düym ekrana malik baza modelindən başqa, onun genişləndirilmiş variantı – 5,5 düymlük “P9 Plus” da nümayiş etdirilib.Hər iki versiyada displeylər “FullHD” həllə malikdir, lakin onların texnologiyaları fərqlənir. “Huawei P9”da displey IPS LCD, “P9 Plus”da isə AMOLED sxemi üzrə hazırlanıb və barmaqla toxunmaya həssasdır.Cihazlar metallik korpus və iki arxa kamera ilə təchiz olunub. 12 elementdən ibarət fotomodullar 3 fokus (lazer, dərinlik fokusu və kontrast) və 2 sensora (rəngli, monoxrom) malikdir. 12 meqapiksellik ikili obyektiv sistemi smartfonlara çox yüksək keyfiyyətli fotolar çəkməyə imkan verir. Frontal kamera hər iki cihazda 8 meqapikseldir, lakin “P9 Plus”da fokus avtomatikdir. Arxa tərəfdə 4-cü nəsil barmaq izi skaneri mövcuddur.
Yeni smartfonlar ağ, boz, çəhrayı və qızılı rəngdədir.
