HUAWEI “Küləyə hakim ol” şüarı ilə Parisdə keçirilən qlobal təqdimat tədbirində yeni nəsil ağıllı cihazlarını və texnoloji məhsullarını təqdim etdi. Tədbirin əsas diqqət mərkəzində HUAWEI WATCH GT 6 Seriyası, HUAWEI WATCH Ultimate 2 və HUAWEI WATCH D2 ağıllı saatları dayandı. Bununla yanaşı, HUAWEI nova 14 Seriyası, HUAWEI FreeBuds 7i simsiz qulaqlıqları və MatePad 12 X PaperMatte Edition planşetini nümayiş etdirdi. Texnologiyalarda aparıcı olan şirkət həmçinin gənclərə və texnologiya həvəskarlarına yönəlmiş “İndi Sənin Zamanındır” fəlsəfəsini açıqladı və GoPaint 2025 qlobal yaradıcılıq təşəbbüsünə start verdi.
HUAWEI WATCH GT 6 Seriyası: İdman və Sağlamlıq Təcrübəsində İnnovasiya
HUAWEI WATCH GT 6 Seriyası uzunmüddətli batareya ömrü ilə 21 günə qədər istifadə təmin edir və istifadəçilərə gündəlik həyatda rahatlıq təqdim edir. İnteqrasiya olunmuş TruSense sistemi ürək döyüntüsü, qan oksigeni səviyyəsi, yuxu keyfiyyəti və digər vacib göstəriciləri real vaxtda izləyir. 100-dən çox məşq rejimi ilə saat velosiped, trail running, qolf və xizək kimi idman növlərinə xüsusi imkanlar təqdim edir. Velosipedçilər virtual gücölçən funksiyası ilə peşəkar səviyyədə analizlər aparır, qaçış həvəskarları marşrut və yüksəklik trendlərini izləyir, qolfçular yüksək dəqiqlikli meydança xəritələri ilə hər zərbəni optimallaşdırır, xizəkçilər isə sürət və məsafə məlumatlarını izləyə bilir.
HUAWEI WATCH Ultimate 2 və WATCH D2 Smart-saatlarının Təhlükəsizlik və Sağlamlıq Üstünlükləri
HUAWEI WATCH Ultimate 2 modeli dalğıclar üçün nəzərdə tutulmuş bir ilkdir. 150 metr dərinlikdə davamlılıq, sonar texnologiyası ilə 30 metrədək məsafədə saatdan saata sualtı mesaj göndərmək və 60 metr dərinlikdə SOS siqnalı ötürmək imkanı istifadəçilərin təhlükəsizliyini təmin edir.HUAWEI WATCH D2 isə qan təzyiqi izləmə sisteminə malikdir və birdəfəlik və təkrarlanan ölçmələr vasitəsilə istifadəçilərə gündəlik sağlamlıq vəziyyətini izləməyə imkan verir.
HUAWEI nova 14 Seriyası smartfonu və MatePad 12 X Planşeti
HUAWEI nova 14 Ultra Chroma kamera və XD Portrait Engine ilə zəif işıqda belə aydın və detallı portretlər təqdim edir. 50 MP ön kamera və 5x portret zoom funksiyası selfilərin peşəkar səviyyədə olmasını təmin edir. HUAWEI MatePad 12 X PaperMatte Edition isə kağız effekti verən ekranı və HUAWEI M-Pencil Pro dəstəyi ilə yaradıcılıq, təhsil və rəsmlər üçün əlverişli şərait yaradır.
“İndi Sənin Zamanındır” Fəlsəfəsi və GoPaint 2025
HUAWEI “İndi Sənin Zamanındır” fəlsəfəsi ilə gənclərlə daha yaxın əlaqə qurmağı və texnologiyanı yaxın və emosional baxımdan əlçatan etməyi hədəfləyir. GoPaint 2025 yarışması rəssamlıq, rəqəmsal akvarel, fantastik sənət və animasiya kateqoriyalarını əhatə edərək gəncləri yaradıcılığa çağırır. HUAWEI texnologiyanı həm gündəlik istifadə, həm də yaradıcı işlər üçün əlçatan etmək niyyətindədir.
