“Huawei” “Mate 9 Porsche Design”i təqdim etdi

Çinin “Weibo” sosial şəbəkəsi ilk dəfə olaraq “Huawei” şirkətinin yeni flaqman smartfonu – “Mate 9 Porsche Design”ın real fotolarını yayıb.Cihazın qiyməti 1500 dollardır. İstehsalçı firma məhsulunu noyabr ayında təqdim etsə də, smartfonlar hələlik satışa çıxarılmayıb.

Fotolar yeni smartfonun dizaynını və bəzi detallarını təhlil etməyə imkan verir. Cihaz 5,5 ekran ölçülüdür, küncləri dairəvidir, “SoC Kirin 960” dördnüvəli prosessoru və “ARM Mali G71” qrafik çiplə təchiz olunub.

Əsas kamera ikilidir, modullardan biri (RGB) 12 meqapiksel, ikincisi (monoxrom) 20 meqapikseldir.

Smartfon 6 GB operativ və 256 daxili yaddaşa malikdir.

Yeni cihaz yalnız bir rəngdə – qara qrafit rəngində hazırlanıb və örtük (“çexol”), iki şarj qurğusu və qulaqcıqla bir komplekt şəklində satışa çıxarılacaq.