“Huawei” şirkəti Çində keçirilən tədbirdə “Huawei Mate 70” smartfonlar xətti ilə birlikdə “MatePad Pro 13.2” qabaqcıl planşetini təqdim edib. Planşet güclü akkumulyatora malikdir və HarmonyOS 4.3 əməliyyat sistemi ilə işləyir. Yeniliyin qiyməti 5199 yuandan (təxminən 715 dollar) başlayır, ən bahalı kolleksiya versiyası isə 10599 yuan (≈ 1460 dollar) qiymətləndirilir.
Yeni Huawei MatePad Pro 2880 × 1920 piksel təsvir ölçülü 13,2 düymlük OLED ekran, 144 Hz yeniləmə tezliyi, 1000 cd/m² parlaqlıq səviyyəsi və HDR Vivid dəstəyi ilə təchiz edilib. Planşet 16 GB-a qədər RAM-ı dəstəkləyir, daxili yaddaş isə 1 TB-a qədər tutuma malik ola bilər.
Huawei MatePad Pro 13.2 13 meqapiksellik əsas sensor və 8 meqapiksellik geniş bucaqlı modul daxil olmaqla ikili arxa kameraya malikdir. Planşet həmçinin 16 meqapiksellik ön kamera ilə təchiz olunub. Stereo səs sistemi altı daxili dinamikdən ibarətdir və Huawei Sound texnologiyasını dəstəkləyir.
Cihaz HarmonyOS Next-ə yüksəltmək imkanı ilə HarmonyOS 4.3 ilə işləyir. Planşet kompüterə bənzər çox pəncərəli əməliyyatı dəstəkləyir və istifadəçilərə foto çəkmək, jestlərdən istifadə etmək kimi müəyyən hərəkətləri idarə etməyə imkan verir. Huawei MatePad Pro həmçinin Huawei Smart Magnetic Keyboard-u dəstəkləyir.
10.100 mAh batareya 40 dəqiqə ərzində 0-dan 80 faizə qədər doldurulur, tam doldurma müddəti 65 dəqiqədir. Rabitə imkanları ikizolaqlı Wi-Fi və Bluetooth 5.2 ilə təmsil olunur. Çox zolaqlı yerləşdirmə sensoru GPS, QLONASS, Beidou, Galileo və QZSS naviqasiya sistemlərini dəstəkləyir. USB 3.1 Gen 1 portu var, planşet yan tərəfdə barmaq izi skaneri ilə təchiz olunub.
Huawei MatePad Pro-nun ölçüləri 196,1 × 289,1 × 5,5 mm, çəkisi isə 580 qramdır. Planşet qara, qızılı və ağ rənglərdə mövcuddur. Hal-hazırda Çində Huawei-nin Vmall onlayn mağazasında əvvəlcədən sifariş üçün mövcuddur və dekabrın 12-də satışa çıxarılacaq.
Huawei MatePad Pro 13.2-nin Çində qiyməti 12 GB RAM və 256 GB yaddaşa malik variant üçün 5199 yuandan (≈ $715) başlayır. Yaddaşın 512 GB-a qədər artırılması qiyməti 5,699 yuana (≈ $780) qədər artırır. 16 GB RAM və 1 TB yaddaşa malik ən bahalı kolleksiya versiyası 10 599 yuan (≈ 1 460 dollar) dəyərində qiymətləndirilir.
