Son illər Tayvanın «HTC» mobil elektronika istehsalçısı ciddi çətinliklərlə qarşılaşıb.Belə ki, beş il ərzində şirkət öz dəyərindən 75 faiz itirdi. Bu halda mobil qurğular bazarında markanın payı 2 faizdən az təşkil edir.Hətta bəzi müşahidəçilər şirkəti mobil bazarı tərk edəcəyini düşünür. Belə demək mümkündürsə Tayvan istehsalçısı əzəli rəqibləri— «Apple» və «Samsung»la bacara bilmədi.
«Ictinfo.az» «tass.ru»-ya istinadən bildirir ki,bu gün «HTC» bazarda yalnız «Vive» Virtual Reallıq dəbilqəsi ilə müvəffəqiyyətli məhsula malikdir. Son zamanlar virtual reallıq sferası yüksək inkişafa malikdir və Tayvan şirkəti bu göstəricidən maksimum istifadə etməklə vəziyyətdən çıxmaq istəyir.
İstisna edilmir ki,bu biznes şirkətlə uzun zaman əməkdaşlıq edən «Google» korporasiyası tərəfindən «HTC»-dan alınacaq.Başqa mənbələr isə ümumilikdə «HTC»-nın «Google» tərəfindən alınmasından danışır.Hər halda «HTC»-nın bugünkü vəziyyəti şirkət rəhbərliyini düşünməyə vadar edir…
