Balanslaşdırılmış xüsusiyyətlərə malik orta büdcəli smartfon kimi gələn Honor 400 Lite beynəlxalq bazar çıxdı.Tutumlu akkumulyatordan əlavə, yeni məhsul süni intellekt funksiyaları, nazik, lakin davamlı korpus və 108 meqapiksellik kamera dəstəyi ilə öyünür.
Honor Honor 400 Lite 2412×1080 piksel təsvir ölçülü və 120 Hz (PWM 3840 Hz) yeniləmə tezliyinə malik 6,7 düymlük AMOLED displeylə təchiz edilib. Ən yüksək parlaqlıq 3500 nit, rəng gamutu 100% DCI-P3-dür. Bundan əlavə, yeni məhsul suya davamlılıq (IP65) və 1,8 metrə qədər hündürlükdən düşməyə görə beşulduzlu SGS sertifikatı alıb.
Yeni məhsulun aparat platformasına MediaTek Dimensity 7025 Ultra prosessoru, 12 QB əməli yaddaş və 256 QB daxili yaddaş daxildir. Əsas kamera modulunun təsvir ölçüsü 108 MP (f/1.75), ultra geniş modul 5 MP (f/2.2), ön modul isə 16 MP-dir. Çəkiliş üçün xüsusi düymə var: birinci toxunuşda kamera tətbiqi açılır, ikinci toxunuşda şəkil çəkilir, yüngül basmaqla şəkil böyüdülür və onu basıb saxladıqda video çəkilir.
Smartfonun avtonomiyası 5230 mAh tutumlu akkumulyatorla təmin edilir və 35 vatt sürətli enerji doldurmağı dəstəkləyir. Korpusun qalınlığı 7,29 mm, çəkisi 171 qramdır. Cihaz Android 15 əməliyyat sistemi ilə işləyir və real vaxt tərcüməsi və foto pozan da daxil olmaqla bir sıra süni intellekt funksiyalarını dəstəkləyir. Yeni məhsulun qiyməti daha sonra açıqlanacaq.