HONOR şirkəti yeni büdcəli oyun smartfonunu — GT Pro-nu buraxmağa hazırlaşır. İnsayder Digital Chat Stationun məlumatına görə, yeni məhsul flaqman Snapdragon 8 Elite prosessorunu alacaq və daha sərfəli qiymətə olmaqal RedMagic 10 Pro və ROG Phone 9-a birbaşa rəqib olacaq.
Smartfon 1,5K təsvir ölçülü və 120 Hz təzələnmə tezliyinə malik düz AMOLED displeylə təchiz ediləcək. Batareyanın tutumlu olacağı vəd edilir — 5300 mAh, 90 Vt gücündə sürətli doldurma ilə. Bu, keçənilki GT-dən bir qədər azdır, lakin digər sahələrdə təkmilləşdirmələr gözlənilir.
Əvvəlki HONOR GT modeli Çində 2199 yuana (299 dollar) satılmışdı və hətta o zaman sərfəli qiymətə ən yüksək səviyyəli avadanlıq təklif edilirdi. GT Pro bu yanaşmanı davam etdirsə, yeni məhsul ROG və ya RedMagic brendinə ehtiyacı olmayan, lakin güc və batareyanın ömrünü dəyərləndirən oyunçular arasında hit ola bilər.
Buraxılış tarixi hələ açıqlanmayıb, lakin sızıntılar gözləmənin çox çəkməyəcəyinə işarə edir.
