«Honda» 2024-cü ildə hidrogenlə işləyən elektrik avtomobilinin istehsalına başlamaq planlarını açıqlayıb. Onun əsasını populyar krossover «CR-V» təşkil edəcək.Layihə 2040-cı ilə qədər tam elektriklə işləyən avtomobillərə,2050-ci ilə qədər isə karbonsuz avtomobillərə keçmək strategiyasının bir hissəsi kimi həyata keçiriləcək.
Yenilik 2020-ci ildə şirkətin satışını dayandırdığı hidrogenlə işləyən Clarity Fuel Cell sedanını əvəz edəcək. Qeyd edək ki, yeni model həm də qısa səfərlər üçün təklif olunan yalnız akkumulyatorla işləyən elektrik mühərriki rejimini təmin edir.
Avtomobil istehsalçısı, «CR-V»-nin yanacaq hüceyrəli elektrik versiyasının Ohayo ştatının Marysville şəhərindəki Performans İstehsalat Mərkəzində (PMC) hazırlanacağını söylədi. Elektrik mühərrikini gücləndirmək üçün o, hidrogen və oksigeni birləşdirən kimyəvi reaksiya nəticəsində elektrik enerjisi yaradaraq böyük akkumulyator əvəzinə hidrogen yanacaq elementindən istifadə edəcək.
Yeni model haqqında çox az məlumat var. Bildirilir ki, yenilik həm xaricdə, həm də içəridə standart CR-V ilə eyni görünəcək, cüzi vizual fərqlər, ola bilsin ki, trim, faralar və s. Onun Honda-nın General Motors ilə birgə yaratdığı yeni güc blokundan istifadə edəcəyi də məlumdur. Bu, Clarity güc aqreqatının təkmilləşdirilmiş versiyasıdır və istehsalı üçün 80% daha az platin tələb olunur. Güc bloku avtomobilin ön hissəsində, hidrogen çəni isə arxa tərəfdə olacaq.
