Azərbaycanda 20-yə yaxın daşınmaz əmlak saytı fəaliyyət göstərsə də, onların əksəriyyəti müasir standartlara cavab vermir. Əsasən TOP-5 əmlak saytının fəaliyyəti az-çox ürəkaçan səviyyədədir.
Ev və kommersiya üçün əmlak (obyekt, mağaza, aptek və s.) almaq və icarəyə götürmək istəyən şəxslər üçün rahat, funksionallığı geniş, ekosistemi formalaşdıra biləcək bir sayta çoxdan ehtiyac var. Uzun illərdir ki, Proptech sahəsində ölkədə yaxşı start-up demək olar ki, yox idi. Opendoor, Zillow, ЦИАН kimi servislərə oxşaya biləcək yerli layihəni hamı gözləyirdi.
Daha çox 2022-ci ildə beta mərhələdə istifadəyə verilən homdom.az saytı “buzu qırmağa“ iddialı görünürdü. Bir çox yenliklərilə bu sayt daşınmaz əmlak sahəsinə yeni nəfəs gətirmişdi:
- Ev elanlarında video yerləşdirmək imkanı
- 20 parametr üzrə axtarış imkanı
- Müasir UX/UI
- Rahat ipoteka kalkulyatoru
- 66 rayon, 24 metro, 82 nişangah, 99 qəsəbə üzrə geniş növ axtarış və s.
Beta mərhələsində test işləri görülmüş, bazarın tələbatı öyrənilmiş, product market fit üçün araşdırma aparılmışdı. Lakin, layihə bazara böyük miqyaslı kampaniya ilə girməmişdi.
Nəhayət, layihənin rəhbəri Tural Kərimovdan aldığımız məlumata görə, artıq layihəyə 6 rəqəmli investisiya qoyulması üçün yaxın günlərdə anlaşma əldə olunub. Yerli investorlar layihənin inkişafı üçün yalnız vençur kapitalı qoymaqla kifayətlənməyib, həm də marketinq, BizDev sahəsində dəstək olacaqlar.
Homdom.az kollektivi may ayına doğru Azərbaycanda bir neçə ilk-lər etməyi, ekosistemdə köklü islahatlar etməyi, mənzil bazarı üçün bir sıra unikal həlləri tətbiq etməyi planlayır.
