Avstraliya dizaynerləri Endrü Benke və Kler Merfi çoxsaylı daxili ciblərində 15 kq qədər yük yerləşdirmək mümkün olan qeyri-adi palto-transformer yaratdılar. İstehsalçıların fikirinə görə, bu yenilik daha çox təyyarələrdə uçarkən əl yüklərinin baqaja vermək istəməyən sərnişinlərə lazım olacaq.”Airport Jacket” adını almış paltonun istehsalına vəsait yığımı elanı “Kickstarter” platformasına yerləşdirilib.
Zahirən palto-çamadan adi üst geyimdən fərqlənmir, ancaq onun daxilində müxtəlif predmetləri yerləşdirmək mümkün olan 14 cib yerləşdirilib. Məsələn, paltonu cibinə sənəd, açar,eynək, obyektivli fotoaparat, noutbuk, planşet, smartfon, yükləmə qurğuları, iki cüt ayaqqabı, beş futbolka, sviter, iki cins və corabları yerləşdirmək olar.
Səfər vaxtı “Airport Jacket” lazım olmadıqda onu xüsusi parçadan hazırlanmış çantaya yerləşdirmək olar. Aeroportda yoxlama və qeydiyyat prosedurlarının keçməsi vaxtı növbələrdə durmamaq və yükün daşımasında pula qənaət etmək, əl yükün tələblərini pozmamaq üçün sərnişinə paltonu geyinmək kifayətdir.
Qeyd edək ki, kampaniyanın birinci üç həftəsi ərzində “Kickstarter” istifadəçiləri “Airport Jacket”-ə böyük maraq göstərməyiblər.Belə ki, xəbərin yazılışı vaxtı layihə tələb edilən 77 min dollar vəsaitə qarşı cəmi üç min ABŞ dollarını yığdı. Paltonun payız modelini sifarişçiyə 185 dollar, qızdırılmış model 230 dollarda başa gələcək. Mart ayının 26-dək davam edəcək kampaniyanın müvəffəqiyyətli tamamlanması halında sifarişçilər bu ilin mayında Airport Jacket-i ala biləcəklər.
