Çevik günəş panelləri robot həşəratın hərəkətinə mane olmur və onun bort elektronikasını yarım saat doldurmağa imkan verir.
İstənilən boşluqdan sıxışaraq keçə bilən mikroskopik robotlar müxtəlif tapşırıqlar üçün faydalı olacaq-dağıntılar altında insanların axtarışından tutmuş ətraf mühitin tədqiqinə qədər.»ICTinfo.az» «naked-science.ru» resursuna istinadən bildiri ki,bəzi tərtibatçılar bu kiçik maşınlar üzərində işləyərkən,digərləri canlı həşəratları üzərilərinə çiplər yerləşdirməklə onları əslində robota çevirirlər. Belə ki, bir neçə il əvvəl alimlər tarakanın sinir sisteminə qoşulmuş elektrodlardan istifadə edərək onun hərəkətlərini idarə edə biliblər.
İndi sistem əhəmiyyətli dərəcədə təkmilləşdirilmişdir: simsiz rabitə modulu, təkrar doldurulan batareya və “bortda” elektronikanı gücləndirmək üçün günəş batareyası kiborq tarakanının arsenalına əlavə edilmişdir. Bu barədə Yaponiya Fizika və Kimyəvi Tədqiqatlar İnstitutunun (RIKEN) alimləri «Flexible Electronics» jurnalında dərc olunan məqaləsində yazılır.
Kenjiro Fukuda və həmkarları uzunluğu təxminən altı santimetrə çatan kifayət qədər böyük Madaqaskar tarakanlarıyla işləyirdilər. Lazımi komponentləri yerləşdirmək üçün alimlər həşəratın kürəyinə bərkidilmək üçün rahat olan formada “kürək çantası” hazırlayıblar. Bu struktur çevik polimerdən 3D çap edilib və bir aydan çox təhlükəsiz şəkildə saxlandığı yerdə yapışqanla bərkidilib. Mikroçip, rabitə sistemi və digər sərt və nisbətən kütləvi komponentlər bu “kürək çantası”na yerləşdirilib.
Alimlər tarakanın qarnının aşağı hissəsində cəmi 0,004 millimetr qalınlığında üzvi günəş panelləri quraşdırdılar. Onların gücü 17,2 millivatta çatır ki, bu da indiyədək həşərat kiborqlarının istehsalı üçün istifadə oluna bilən digər enerji mənbələrinin imkanlarından on dəfə yüksəkdir. Ultra nazik və çevik olan bu batareyalar yalnız tarakanın ekzoskeletinin ayrı-ayrı seqmentlərinə bərkidilir. Bunun sayəsində qarın büküldükdə bir-birinə nisbətən hərəkət edir və hərəkəti məhdudlaşdırmır.
