Google mobil cihazlarda brend axtarış nəticələrinin dizaynında kiçik dəyişiklik etdiyini açıqlayıb. Şirkət onsuz da kiçik olan smartfon ekranlarını informasiya ilə qarışdırmamaq üçün yararsız elementi silmək qərarına gəlib.
Bundan sonra Google-un mobil axtarış nəticələri siyahıdakı hər bir keçidin tam URL-ni göstərməyəcək. Bunun əvəzinə yalnız keçidin apardığı saytın domen adı göstəriləcək. Şirkət öz qərarını ekran ölçüsünün kiçik olması səbəbindən URL-nin tez-tez kəsilməsi və buna görə də praktik istifadəsinin olmaması ilə izah edir.
Bununla belə, axtarış sisteminin masaüstü versiyası hələ də hər bir keçid üçün tam URL göstərəcək.Desktop versiyası dəyişməz qalacaq.
Dəyişiklik Google axtarışının mövcud olduğu bütün dillərə və bölgələrə təsir edir.
