Google dünyanın ən çox istifadə olunan axtarış sisteminə sahibdir. Hətta bir çox texnologiya nəhəngləri ona rəqib olaraq bəzi axtarış sistemləri hazırlasa da, Google rəqiblərini ötməyi bacarıb. Hazırda axtarış sistemləri süni intellektdən istifadə edərək istifadəçilərə daha rahat axtarış imkanı təklif edir. Görünən odur ki, Google şirkəti də süni intellektin imkanlarından faydalanmaq istəyir.
Google axtarış sisteminin hazırkı versiyası artıq iki süni intellektə əsaslanan funksiyanı dəstəkləyir. Lakin bu funksiyalar yalnız test rejimində işləyir və bütün regionlar üçün əlçatan deyil. Bunlardan birincisi SGE və ya “məhsuldar axtarış təcrübəsi” adlanır. Bu funksiya axtarış nəticələrinin təkmil icmalını ehtiva edir və istifadəçilərin məqalələri və ya uzun məlumatları daha yığcam halda qısa müddətdə oxumasına kömək edir. İkincisi isə, “Skan zamanı SGE” adlanır. Qeyd edək ki, bu funksiya isə axtarış nəticələrində əsas məqamları vurğulamaq üçün bir düymə və ya göstərilən səhifənin xüsusi hissələrinə yönləndirən keçid ehtiva edir.
Reklamları görməyə davam edərkən Google bu funksiyaların hər ikisini gələcəkdə ödənişli etməyi planlaşdırır. Axtarış sisteminin stabil versiyasında süni intellekt funksiyalarının nə vaxt istifadəyə veriləcəyi tarix və tarif barədə hələlik məlumat yoxdur. Google gələcəkdə bəzi pulsuz AI xüsusiyyətləri inkişaf etdirə bilər, lakin heç bir təfərrüat verilmir.
