«Google» öz smartfonlarında,o cümlədən «Pixel 6» və qarşıdan gələn «Pixel 7» modellərində sifətin tanınması üzərində işləməyə davam edir.Məlumatlara görə, tərtibatçılar cihazların kilidini açmaq qabiliyyətini həyata keçirmək üçün barmaq izi skanerindən üz tanınması ilə birlikdə istifadə etmək niyyətindədirlər.
Daha əvvəl bildirilmişdi ki, «Pixel 6 Pro» smartfonu ötən ilin payızında satışlar başlayanda üzlə kiliddən çıxarma funksiyasını almalı idi. Lakin nədənsə tərtibatçılar smartfonun üzdən kiliddən çıxarma funksiyasını inteqrasiya etməkdən imtina ediblər. Belə bir qərarın tanınma dəqiqliyi və aşağı enerji səmərəliliyi ilə bağlı problemlərə görə qəbul edildiyi güman edilir.
İndi bildirildi ki, Google yeni Pixel smartfonlarının ekran sahəsinə inteqrasiya olunmuş barmaq izi skaneri ilə birləşəcək üz ilə kiliddən çıxarma funksiyası üzərində işləməyə davam edir. Funksiya smartfonun kameradan istifadə edərək istifadəçinin üzünü qismən tanıdığı zaman barmaq izi skaneri üçün tanınma həddini aşağı salmaqla işləyir. Maraqlıdır ki, üz və barmaq izinin açılması təkcə «Pixel 6 Pro»-da deyil, həm də daha büdcəli «Pixel 6»-da, eləcə də qarşıdan gələn «Pixel 7» və «Pixel 7 Pro»-da həyata keçirilə bilər. Sözügedən funksiyanın tam olaraq nə vaxt istifadəçilər üçün əlçatan olacağı hələ məlum deyil.
