“Google” öz istehsalı olan prosessorlarla təchiz edilmiş smartfon və noutbuklarını çıxarmaq niyyətindədir. Bu haqda ABŞ şirkətindəki vəziyyətlə tanış olan “Axios” nəşrinin mənbəyi məlumat verib.“ICTinfo.az” “lenta.ru” saytına istinadən yazır ki, sözügedən çip artıq 2021-ci ildə təqdim edilə bilər. İnsayderlərin fikrincə, bu addım “Google” korporasiyasına öz istehsalı olan çiplərlə təchiz edilmiş smartfonlar tədarük edən “Apple” ilə daha yaxşı rəqabət aparmağa imkan verəcək. Bununla yanaşı, “Google” öz qurğularında istifadə etdiyi “Qualcomm” şirkətinin məhsullarından imtina edəcək.Mənbənin məlumatına görə, “Whitechapel” kod adına malik gələcək prosessor “Samsung” şirkəti ilə birgə 5 nanometrlik texnoloji proses üzrə işlənib hazırlanacaq. Proqnoza görə, prosessor 2021-ci ildə “Pixel” smartfonlarında istifadə olunacaq, gələcəkdə, həmçinin “Chromebook” noutbukları bu prosessorla təchiz edilə bilər.
