“Google” “Gmail” tətbiqinə yeni funksiyalar əlavə edir. İndi poçt xidməti funksionallıq baxımından “Telegram”, “WhatsApp” və “Viber” kimi messencerlərlə eyni olacaq.Söhbət “Gmail” vasitəsilə müntəzəm və video zənglər etmək imkanından gedir. Bu cür ünsiyyət əvvəllər tətbiqdə mövcud idi, lakin o, “Google Meet” xidməti vasitəsilə həyata keçirilirdi. Zəng təşkilatçısı ünsiyyət qurmaq niyyətində olduğu istifadəçilərə xüsusi yaradılmış keçid göndərməli idi. Yeni kommunikasiya alətindən istifadə etmək çox asandır.
“Google Gmail” tətbiqi menyusuna iki ikona əlavə edib-telefon şəkli və video kamera. Onlardan birinə klikləməklə siz səsli və ya video zəngə başlaya bilərsiniz. Eyni zamanda, “Google Chat” messencerindən zəng edən istifadəçilər avtomatik olaraq “Gmail” tətbiqinə yönləndiriləcəklər.
Yeni funksiya həm “Android”, həm də “iOS” cihazları tərəfindən dəstəklənir. Onun paylanması artıq başlayıb və tezliklə bütün “Gmail” istifadəçiləri üçün əlçatan olacaq.
