3500 mAs həcmlə akkumulyatora malik “Galaxy S9+” smartfonuna “ZeroLemon” şirkətinin xüsusi çexolu əlavə ediləcək. Bu çexol smartfonun enerji ehtiyatını artıracaq xüsusi batareyaya malikdir. Məlumdur ki, çexolda akkumulyatorun həcmi 5200 mAs təşkil edir. Hesablamalara görə, bu enerji əlavə 30 saat zəng, 61 saat musiqi, 18 saat video və 12 saat oyun oynamağa kömək edəcək.
“ICTinfo.az” “dni24.com”-a istinadən bildirir ki,”ZeroLemon” əsas funksiyasından başqa smartfonun arxa hissəsini kiçik zədələrdən və sıyrıntılardan qorumağa kömək edəcək.Bundan başqa istifadəçinin qurğunun enerjisi haqqında həmişə məlumatlı olması üçün çexolun korpusunda xüsusi indikator işləyəcək.
Belə qurğunun təxmini qiyməti 40 dollar təşkil edir.
