«Samsung Galaxy Note 8» sahibləri samartfonu əldə edib onun sevincini doyunca yaşamamış kütləvi problemlə qarşılaşıblar.Məlum olub ki,smartfonun enerjisi sıfıra düşdükdə onu yenidən enerji ilə doldurmaq mümkün deyil.
«Ictinfo.az» «life.ru» resursuna istinadən bildirir ki,problem haqqında «Galaxy Note 8» alıcıları sosial şəbəkədə məlumat veriblər.Onların dediklərinə görə, smartfonun batareyası 0%-ə düşdükdə aparat lazımsız əşyaya çevrilərək daha enerji toplamır.Qurğu yükləmə kabelinin qoşulmasına heç bir reaksiya vermir və qoşulmur.İstifadəçilər başqa enerji yükləmə kabellərindən hətta xarici akkumulyatorlardan istifadə etələr də vəziyyət dəyişməyib.
Artıq «Samsung» problemdən xəbərdardır.Ancaq şirkət şikayətçilərə rəsmi cavab verməyib.Bundan başqa şikayətlərin nə qədər kütləvi olduğu bilinmir.
Xatırladaq ki, «Note» xəttinin keçmiş modelində böyük qalmaqal yaşanmışdı. Onda «Galaxy Note 7» sahibləri kütləvi olaraq telefonların yanmasından şikayət etmişdilər.
«Samsung Galaxy Note 7″-lərin partlamasına səbəb şirkətin özü tərəfindən istehsal olunan səhv dizayn olunmuş batareyalar idi.Belə ki, batareyanın dizaynında litium kobalt oksiddən düzəldilmiş müsbət təbəqə ilə qrafitdən düzəldilmiş mənfi təbəqəni ayrılmaq üçün elektrolitlərdə yığıla bilən bir cüt polimer təbəqə istifadə olunub. Bu iki təbəqə bir-birinə sürtünərsə, elektrodlar isinər və partlama ortaya çıxar bilərdi.»Samsung» etdiyi bu səhvə görə 5 milyard dollar zərərlə qarşılaşdı.
