«Facebook» administrasiyası texnoloji cəhətdən geri qalan üçüncü dünya ölkələrində yaşayanların sosial şəbəkələrdən istifadə etməsi üçün yeni layihəyə start verib
«ICTinfo.az» «vistanews.ru» resursuna istinadən bildirir ki,indi xüsusi olaraq belə ölkələr üçün «Facebook Lite» versiyası istifadəyə verilib.Bu sosial şəbəkəyə girişi köhnə «2G» dəstəkli mobil rabitə qurğuları ilə mümkün olacaq.Yəni yüngülləşdirilmiş modifikasiya geridə qalan ölkələrin abunəçilərinə messencerlərin yenilənmiş versiyalarını dəstəkləyə bilməyən köhnəlmiş smartfonlarla əlaqə saxlamağa icazə verəcək.
İndi hətta Zimbabvenin cəngəlliklərində, Nepalın, Laosun və Banqladeşin dağlıq yerlərində yaşayan sakinlər populyar sosial şəbəkədən istifadə edə bilərlər.
«Facebook Lite» proqramı üçün yalnız 0,25 meqabayt kifayətdir, ancaq bu halda smartfonlarda Android əməliyyat sistemi lazımdır. Bu versiyanın coğrafiyası daim genişlənəcək. Testlərin son tamamlanmasından sonra «Facebook Lite»-ə ehtiyac duyan ölkələrin siyahısı dəfələrlə genişlənəcək.
