«Facebook»-un rəhbəri Mark Zukerberq sosial şəbəkəsinin ödənişli versiyasının yaradılması ehtimalından danışıb.
«ICTinfo.az» «it-weekly.ru» resursuna istinadən bildirir ki,bu haqda Zukerberq ABŞ Senatında çıxışı zamanı Senator-Respublikaçılardan birinin «Facebook həmişə pulsuz olacaq?» sualını cavblandırarkən bildirib.O,sosial şəbəkənin həmişə pulsuz olacağını ancaq, başqa versiyaların olacağı ehtimalını da istisna etməyib. Ola bilər ki,sosial şəbəkənin pullu versiyası reklamlardan məhrum ediləcək.
Bütovlükdə M.Zukerberq Senatda beş saat çıxış edib. Qeyd edək ki,Zukerberq keçən ay «Facebook» şəbəkəsinin milyonlarla istifadəçisi haqda məlumatların onların xəbəri olmadan Britaniyanın «Cambridge Analytica» şirkəti tərəfindən toplandığı haqda xəbərlərin verilməsindən sonra Konqresdə ifadə verməyə çağırılıb.
