“Facebook” sosial şəbəkəsi yeni funksiyanı sınaqdan keçirir, onun sayəsində istifadəçilər proqramdan çıxmadan şəxsi mesajlarla yazışmaq imkanı əldə edəcəklər. Bu barədə şirkətin bloqunda sosial şəbəkənin rəhbəri Tom Alison bildirib.
2014-cü ildə «Facebook» tətbiqdən şəxsi mesaj mübadiləsi imkanını ayrıca Messenger xidmətinə ayırdı. O zaman Facebook-un qurucusu Mark Zukerberq bunun istifadəçilərə daha yaxşı təcrübə təqdim etmək üçün edildiyini söylədi. Şəxsi mesajlaşmanın Facebook tətbiqinə qaytarılması, çox güman ki, daha asan ünsiyyət yolunu təklif edən qısa formada video xidməti olan «TikTok»-un artan rəqabətinə cavabdır.
Hazırda «Facebook»-un yeni funksiyanı nə vaxt istifadəyə verəcəyi bəlli deyil. Facebook həmçinin 2 milyarddan çox insanın sosial şəbəkədən gündəlik istifadə etdiyini açıqlayıb — bu, şirkət üçün yeni rekorddur.
