«Facebook» siyasi, dini, etnik və sosial problemlərə əsaslanan bütün reklam və elanları əl ilə bir-bir yoxlayacaq.Beləliklə, şirkət reklam gəlirləri azalsa belə bu yolla sosial gərginliyin artıracaq və düşmənçiliyin təbliğ üçün sosial şəbəkədən istifadənin qarşısını almaq niyyətindədir. Facebook elan verənləri xəbərdarlıq etdi ki, yeni qaydalar reklamların yerləşdirilməsində ləngimələrə gətirib çıxara bilər.
«Ictinfo.az» «searchengines.ru»-ya istinadən bildirir ki,istehsalçılar bu prosesi sürətləndirmək üsulunu tapanadək vəziyyət bu cür davam edəcək.Xatırladaq ki, bir qədər əvvəl «Facebook» ABŞ-da son prezident seçkiləri zamanı neqativ siyasi təbliğatla az effektiv mübarizə apardığı üçün tənqidə məruz qaldı.
