Rusiyada “Motorinvest”-ə məxsus “Evolute” brendindən yeni “i-Sky” elektrik krossoverinin qiyməti rəsmən açıqlanıb.Avtomobil artıq ilkin sifariş və sınaq sürüşü üçün hazırdır.
Gözlənildiyi kimi, “Evolute i-Sky”-nin qiyməti 3.990.000 rubldan başlayır. Bu da elektromobillərin alınması üçün dövlət subsidiyasını nəzərə alır. İstehsalçı tərəfindən təklif olunan variantlardan asılı olaraq qiymət daha yüksək ola bilər.
Krossover 340 Nm fırlanma anı olan 204 at gücünə malik elektrik stansiyası ilə təchiz edilib. Yerdən 100 km/saata qədər sürətlənmə 8,6 saniyə çəkir və maksimal sürəti 180 km/saatdır. 85,9 kVt/saat tutumlu quraşdırılmış akkumulyator 511 kilometrə qədər məsafə qət etməyi təmin edir və güclü stansiyadan istifadə nəzərə alınmaqla 80%-ə qədər enerji doldurma 45 dəqiqə təşkil edir.
“Motorinvest”in idarəedici partnyoru Andrey Reznikov bir müddət əvvəl bildirmişdi ki, “Evolute i-Sky”-nin sentyabrda satışa çıxarılması gözlənilir və bu ilin dördüncü rübündə tam miqyaslı təqdimat baş tutacaq.
