«Bloomberg»-in milyarderlər siyahısına görə,milyarder Elon Mask dünyanın ən varlı adamı seçildi.»ICTinfo.az» «4Pda.ru» resursuna istinadən bildirir ki, «Tesla»-nın səhm qiymətindəki artım sayəsində onun sərvəti əhəmiyyətli dərəcədə artdı. Qeyd edək ki, ötən ay da Forbes Maskı dünyanın ən varlısı kimi tanıyıb.
Ötən cümə günü «Tesla»nın səhm qiyməti 3% artaraq 843.03 dollar oldu. Bu, avtomobil istehsalçısının dəyərinin ilin əvvəlindən təxminən 20% artması deməkdir. Bu dönüş Maskın sərvətini 236 milyard dollara qaldırdı və 196 milyard dollarla «Amazon»-un qurucusu Jeff Bezosu keçdi.
«Bloomberg» reytinqində üçüncü və dördüncü yerləri 164 milyard və 130 milyard dollarlıq aktivlərə sahib olan «LVMH» CEO’su Bernard Arnault və «Microsoft»un qurucusu Bill Qeyts tutur.
«Tesla» üçüncü rüb qazancını sabah açıqlayacaq.»Wall Street» ekspertlərinin proqnozlarına görə, gəlir təxminən 13.7 milyard dollar, səhm üzrə qazanc isə 1.54 dollar olacaq.Bu gün elektrikli avtomobillərin dünya satışları avtomobillərin yalnız 3% -ni təşkil edir və 2025 -ci ilə qədər onların payı artıq 10% -ə çatacaq. Hazırda «Tesla»nın səhmlərinin qiyməti daha da yüksəlib və hər səhmə görə 870 dollardan çoxdur.
