Oktyabr 4-də “JW Marriot Absheron Baku” mehmanxanasında Vergilər Nazirliyi və digər dövlət qurumlarının birgə iştirakı ilə “Azərbaycanda elektron Tax Free sistemi”nin tətbiqi ilə bağlı təqdimat mərasimi keçirilib.
Tədbirdə ölkəmizdə “Tax Free” sisteminin tətbiqi, onun faydaları, bununla bağlı inzibatçılıq məsələləri və s. barədə ətraflı məlumat verib. Dünyada ƏDV tətbiq edən 130 ölkənin “Tax Free” sisteminə qoşulub. Bu sistemin tətbiqi xarici turistlərin ölkəyə cəlb edilməsinə və onların ölkə ərazisində daha çox mal almaqla, pərakəndə ticarətdə satış dövriyyəsinin artırılmasına, ixrac yönümlü istehsalın stimullaşdırılmasına, xarici valyutanın ölkəyə axınının artmasına gətirib çıxarmalıdır.
“Tax Free” sisteminin tətbiqinə başlanmasından ötən 3 ay ərzində ölkəmizə gələn əcnəbi turistlər ona böyük maraq göstəriblər və ümumilikdə 3262 turist onlar tərəfindən ödənilmiş 487,4 min manat, o cümlədən, Yaxın Şərq ölkələrindən olan 1754 turist tərəfindən 245,8 min manat, 930 Avropalı turist tərəfindən 161,2 min manat, Asiya ölkələrindən Azərbaycana gəlmiş 503 turist tərəfindən 70,0 min manat, digər ölkələrdən olan turistlər tərəfindən isə 10,4 min manat əlavə dəyər vergisinin geri qaytarılması tələb olunub.
