«Google» şirkətinin «Android» əməliyyat sistemində ən ciddi zəifliklərin heç vaxt istifadəçilərə ziyan vurmadığını bildirsə də ötən ildə virus-fırıldaqçıların sayının yüksək artması qeydə alınıb. Hakerlər zərərverici proqramlar və saytlar vasitəsilə qurğunun ekranını bloklayırlar və ya şəxsi məlumatları şifrləyərək blokdan çıxarma üçün müəyyən məbləği ödəməyi tələb edirlər. Bundan başqa, hakerlər fəal şəkildə məhz Android istifadəçilərinə yönəldilmiş şəxsi müdaxilə metodlarını hazırlamağa başladılar.
«İctinfo.az» «4pda.ru»-ya istinadən bildirir ki, “ESET LiveGrid”in məlumatına görə, ötən ildə “Android” sistemi üçün müəyyən məbləğ tələb edən virusların sayı 2015-ci illə müqayisədə 50% çoxalıb. Bu halda ötən ilin birinci yarısında daha yüksək aktivlik müşahidə olunub.
Ötən il ekranın bloklanması ilə plu tələb etmə ən məşhur üsul olub. Yoluxdurulmuş proqramın və ya saytın yükləməsi vaxtı mobil qurğunun ekranı bloklanır və qurğunun blokdan çıxarması üçün müəyyən məbləği ödəmək tələb edilir. “ESET” şirkətinin mütəxəssisləri bildiriblər ki, kibercinayətkarlar virusları proqramların daxilində daha yaxşı gizlətmək bacarığına yiyələniblər, buna görə onları aşkar etmək daha çətinləşib.Mobil fırıldaqçıların ən böyük fəallığı Şərqi Avropa, ABŞ və Asiya bazarlarında qeyd edilmişdir.
Biz xatırladırıq — dələduzların qurbanı olmamaq üçün, yoxlanılmamış mənbələrdən proqramları yükləməyin, həmçinin naməlum nömrələrdən və elektron poçt ünvanlarından göndərilmiş məktubları və ona qoşulan faylları açmayın.
